RONALDO AIVUSHA URENO EURO

Ureno sasa njia nyeupe baada ya ushindi dhidi ya Croatia

Mshambuliaji wa Ureno Christiano Ronaldo akipambana na Beki wa Croatia Vida katika mchezo wa 16 bora Euro.

Nyota wa klabu ya soka ya Real Madrid Christiano Ronaldo amefanikiwa kuisaidia timu yake ya taifa ya Ureno kuweza kutinga hatua ya robo fainali ya michuano ya mataifa ya Ulaya (Euro) baada ya kutoa pasi ya goli lililofungwa na Ricardo Quaresma katika mchezo wao dhidi ya Croatia.

Goli hilo pekee lilifungwa katika dakika ya 117 ya mchezo huo zikiwa ni dakika za nyongeza baada ya zile 90 za kawaida kuisha kwa sare ya kutofungana.

Mshambuliaji wa timu ya taifa ya Ureno Ricardo Quaresma akishangilia baada ya kufunga goli pekee dakika ya 116 katika mchezo huo.

Ureno walifika hatua hiyo baada ya kushika nafasi ya tatu katika kundi lake huku Croatia ikivuka baada ya kuongoza kundi lake kabla ya ndoto zao kuzimwa leo na watoto wa bosi Fernando Santos.
Baada ya hatua hiyo ya 16 bora,Ureno sasa itakutana na Poland katika michezo wa robo fainali.

Kiungo wa timu ya taifa ya Ureno Renato Sanchez akipambana na wachezaji wa Croatia katika mchezo huo.

Timu nyingine zilizofuzu kuingia hatua ya robo fainali ya michuano hiyo ni Poland waliowatoa Uswiss kwa mikaju ya penalti na Wales waliowafunga ndugu zao Ireland ya kaskazini kwa goli moja kwa sifuri.
Michezo mingine ya hatua ya 16 bora ya michuano hiyo itaendelea hii leo ambapo majira ya saa 10 jioni timu ya taifa ya Ufaransa itacheza dhidi ya jamuhuri ya Ireland,huku saa moja jioni Ujerumani itavaana na Slovakia na baadae majira ya saa 4 usiku Hungary watapambana na Ubelgiji.

Habari na Mzigu Petro